موسيقي تخلي روحك خفيفة .. مراد ناجح عزيز

مراد ناجح عزيز

 

افرح

وإسمع موسيقي تخلّي روحك خفيفة..

زي الفراشات فـ السما

احزن

وإقرا قصايد شعر

تخلّي قلبك شط نيل..

مليان عشاق

وارجع بعد نص الليل متأخر

ووش الصبح نام..

واحلم

واحكي لصحابك كل اللي حصل

بس ماتستناش حد فيهم يصدّقك

عادي جدًا..

افرح

احزن

واقرا قصايد شعر..

واحلم تاني

واحكي لصحابك عن شئ ماحصلش

أكيد هتلاقي فيهم حد يصدّقك

برضه عادي جدًا

شاهد أيضاً

أمجد ريان

ليس الثبات سوى نوع من الحركة .. أمجد ريان

  سهرت المرأة الفقيرة على ملابس ابنها تُرفيها، ثم تقوم بكيّها وفي الليلة التالية تضرب …

اترك رد

error: المحتوى محمي بموجب قوانين حماية الملكية الفكرية